Carita pangusaha sukses

Mekarwangi, Mekar Dina Wawangi

KUNINGANMEDIA | Jum'at, 21 Januari 2022 11:14
Bagikan ke Facebook
KM
Arif Komara, katuhu [Foto: Istimewa]

RÈA cara pikeun ngamajukeun usaha. Kawas anu dilakonan ku Arif Komara, warga Kelurahan/Kecamatan/Kabupatèn Kuningan, dina ngokolakeun usahana teu semet ngaronjatkeun palayanan ka para palanggan, tapi ogé karyawan.

Arif tèh muka usaha kuliner Mie Ayam Mekar Wangi. Lokasina di sabufeureun pusat pertokoan Jalan SIliwangi Kuningan. Sajaba muka usaha di puseur kota, inyana geus bisa mekarkeun usahana ku cara muka cabang di sawatara daerah. Diantarana di wewengkon Kecamatan Darma, Pasarbaru, jeung Cidahu.

Samalah teu semet di Kuningan, da muka sababaraha cabang diantarana di Rajadèsa, Kertasari Ciamis, Wanayasa, Pabuaran Kabupaten Cirebon. Naon sababna inyana suksès mekarkeun usaha. Tangtu rèa, ngan ieu mah diantarana waè koncina ngajènan ka palanggan, ngajènan ogé ka karyawan.


Sawatara waktu kaliwat, Arif masrahkeun hadiah boh pikeun karyawan boh pikeun palanggan. Sakur karyawan nu nampa hadiah kacida bungahna nampa hadiah nu nileyna puluhan juta rupia. Hadiahna teh aya anu dina bentuk barang sapedah motor, kulkas, jeung barang elektronik katut cinderamata jeung hadiah hiburan.

Eta teh pikeun ngarojong karyawan sangkan ngaronjatkeun gawe anu rancage, utamana nu ngait kana mutu produk Mie Ayam. Sajaba ti eta oge pikeun mageuhan tali silaturahmi, papada mihormat, jeung karyawan katut palanggan.

Hadiah nu dibikeun ka karyawan jeung palanggan teh hasil  tina manajemen penjualan. Jadi aya kauntungan   saban  taunna. Tarekah kawas kitu .bisa ngarojong kana usahana nu leuwih hade.  Sok komo sanggeus nampa pangrojong ti  PT. Pundi Kencan Flour Mils.

Aya program, ngabantu pemerintah. Salahsatunya ngaronjatkeun paekonomian masyarakat ku cara mere bantuan permodalan.Contona nyadiakeun bahan baku mie, mie instan siap dijua, samalah dibere fasilitas gorobag dorong. Eta program geus kawilang lila.

Masarakat nu minat dagang bisa ngahubungi  ka pausahaan mie ayam Mekarwangi di cabang-cabang nu ditataan di luhur.

 

Kirim Komentar

Nama
Alamat email
Alamat Web
Komentar
Tulis Kode: