SMK Pertiwi Kuningan

Nyitak Siswa Nu Miboga Jiwa Wirausaha

Ajun Mahrudin | Senin, 10 Januari 2022 06:55
Bagikan ke Facebook
KM
SMK Pencetak Wira Usaha [Foto: ]

Kepala SMK Pertiwi Kuningan, Déa A. Vamitrianto nyebutkeun, luyu  reujeung visi anyar sakola nu dipingpinna nu ngait kana sual nyitak  wirausahawan, sajaba nyitak lulusan pikeun digawé jeung nuluykeun kuliah, dipiharep lulusan ieu sakola muka lolongkrang usaha.

Sababaraha produk nu dihasilkeun nyaéta produk kuliner, karajinan, aksesoris, pembersih otomotif, parfum, aplikasi android, aplikasi Sagaku, mobil listrik, tools otomotif, jeung produk séjénna deui. Ėta produk hasil siswa dipamerkeun ngaliwatan Bazzar SMK Pencetak Wirausaha (SPW), nu lumangsung salila tilu poé, sawatara waktu kaliwat.

“Sadaya siswa aub dina kegiatan produk kreatif sareng  kawirausahaan, siswa diajar ngalakonan   riset sareng  inovasi ngahasilkeun  produk nu tiasa ngahasilkeun hususna kanggo siswa,” ceuk Dea, ka Galura, sawatara waktu kaliwat.

Tarékah kawas kitu, ceuk Déa, dipiharep sakumna siswa SMK Pertiwi Kuningan  nu dipingpinna miboga pangaweruh henteu semet widang nu luyu reujeung kompetisi kaahlian,   sajaba ti éta kudu miboga jiwa wirausaha.  

Ceuk Déa, program SMK Pencetak Wirausaha ieu bisa  ngahasilkeun bibit-bibit   wirausahawan, sakalian  ngarojong program pemerintah. Upama lulusan SMK digawé atawa kuliah  memang geus sakuduna, tapi lamun lulusanna jadi  pangusaha baris leuwih hadé, ku sabab bisa muka lapangan pagawéan anyar.

 Pikeun ngarojong program kasebut, kiwari SMK Pertiwi Kuningan meuli lahan nu legana 2000 m2 di hareupeupeun kampus sakola kasebut.  Di éta lahan baris dibangun bisnis center sakola nu dirojong  industri badag pikeun méré lisensi, palatihan, élmu, jeung  modal pikeun  bisnis nu baris dibangun.

 “Dunya  usaha  industri baris ngabantos dina hal  jaringan markéting.   Dibangunna bisnis center program SMK Pencetak Wirausaha SMK Pertiwi Kuningan baris  langkung maksimal,” pokna.*** Ajun Mahrudin

 

Kirim Komentar

Nama
Alamat email
Alamat Web
Komentar
Tulis Kode: