Gapura Sunda

Taman Purbakala Cipari

Ajun Mahrudin | Kamis, 05 Januari 2017 14:17
Bagikan ke Facebook
KM
Taman Purbakala Cipari [Foto: Ajun Mahrudin]

TAMAN Purbakala Cipari perenahna di Kelurahan Cipari, Kecamatan Cigugur Kabupaten Kuningan. Lamun dijugjug ti puseur kota kabupaten mah anggangna teh kurang leuwih tilu lima kilometer. Pangna disebut Taman Purbakala, kusabab di sabudeureun eta taman euyeub ku benda-benda titinggal sajarah zaman purbakala.

Nyatana peti kubur batu, Altar batu (punden berundak), Menhir, Dolmen (Batu Meja), Batu Temu Gelang) jeung Batu Dakon. Di Taman Purbakala Cipari nu legana kurang leuwih 7000 meter pasagi, aya wangunan museum nu disebut Museum Taman Purbakala Cipari.

Di jero eta museum oge sarua euyeub ku benda-benda titinggal sajarah purbakala diantarana Kampak batu, Geulang batu, Kampak perunggu, Lumpang batu, Batu Obsidan, Hematit, Batu bahan, Kendi, Pendin, Bokor jeung rea deui benda purbakala sejenna.

Taman PurbakalaCipari dibangun dina taun 1974-1976ngaliwatan Proyek Pembinaan Kepurbakalaan Jakarta nu dipingpin ku Teguh Asmar. Samemeh dibangun minangka taman purbakala, eta lahan minangka kebon sampeu bogana Wijaya.

Kiwari Taman Purbakala Cipari mibanda fungsi nu bisa dijadikeun eunteung sajarah manusa jeung kabudayanana, media pendidikan masarakat, obyek pariwisata, tempat dokumentasi jeung panalungtikan sajarah.*Ajun Mahrudin/Tina Koran Galura

Aos Seratan Sanes

Foto Sanes

 

Kirim Komentar

Nama
Alamat email
Alamat Web
Komentar
Tulis Kode: